සහිතරසෝරාව

නන් රසැති වූ සුවහසක් නිර්මාණයන් හි රසභාව මනා සේ පසසනු වස්, සමස්ත ලංකා පාසල් සාහිත කලා සංගමය මගින් සිදු කළ සාහිත කර්තව්‍යයන්හි ප්‍රධානතම වැඩසටහන සහිතරසෝරාව නමින් එළිදැක්විණි.
වාර්ෂික ව පවත්වනු ලබන මේ වැඩසටහන සඳහා මෙරට ප්‍රමුඛ පෙළේ සාහිත්‍යවේදීන්ගේ මූලාසනයෙන් ද, සමස්ත ලංකා පාසල් සාහිත කලා සංගමයේ සාමාජික පාසැල් නියෝජිතයන් සමග ඒකාත්මික වෙමින් වසරක් පාසා සංවිධානය කෙරේ.

‹ ›

සාහිත කලාවේ කවිකාර අවුරුද්ද

කලාව සාහිත්‍යය යනු යමෙකුගේ ජීවන ලාලසාව ඇති කරන්නකි. ඒ හා බැඳෙන සිරිලක විසිතුරු ම සංස්කෘතිකාංගය නම්, සිංහල දෙමළ අලුත් අවුරුද්දයි!
කවිකාර අවුරුද්ද නම්, සමස්ත ලංකා පාසල් සාහිත කලා සංගමය අත්‍යාලංකාරයෙන් පවත්වනු ලබන එම සංස්කෘතික හුවමාරුව යි!
නුරුපුර යුගයේ පටන් කොළඹ යුගය දක්වාත් විහිදුනු මෙරට සාහිත්‍යයික සම්ප්‍රදානයට තදනුබද්ධ ව මුල්තැන් දෙමින් වසරේ විචිත්‍රවත් ම මල්බර ම කාලයේ දී හෙවත් නාඹර බක් මහේ දී සිව් කොණ සාහිත කලාකාමීන් එක් රොක් කරගනිමින් පැවැත්වේ.

‹ ›

නුබ නැගෙන දියවර

උගතුන්ගේ තෝතැන්න, උගතුන්ගේ තිඹිරිගෙය පුස්තකාලය යි. පොත් පත් පරිශීලනයෙන් ලත් දැනුම් සම්භාරය කිසි දින නිරර්ථක නොවී ජීවන හේත්වාර්ථයක් ම වෙයි.
ලාංකේය පාසල්වල අඩු ලුහුඬුකම් මගහැර සිව්කොණ සිව් දිග පාසල් හි ඉගෙනුම ලබන සිසු දරු දැරියන්ගේ ආකල්ප, සංකල්ප ආධ්‍යාපනික කුසලතාවන් වැඩිදියුණු කරවන්නට ඇරඹි වැඩසටහනක් වශයෙන්, මෙරට දුෂ්කර ප්‍රදේශයන් හි පාසල් පුස්තකාල ප්‍රතිෂ්ඨාපනය කරන අරමුණින් ඇරඹි අතිසාර්ථක දැක්මැ'ති වැඩසටහනක් වශයෙන් නුබ නැගෙන දියවර සද්කාර්යය දිගහැරේ.

‹ ›

සුව සහන ක්‍රියාන්විතය

මෙරට තුළ සිදුවන අනේක වූ ක්‍රියාවන් අතර සොබාදහමේ විපර්යාසයන්ට ද, ආර්ථික සමාජ දේශපාලනික වශයෙන් ද සිදුවන සියලු ගැටලුවල දී, මෙරට වැසියන්ට ම පිටුබලයක් වෙමින්, තවතවත් ශක්තියක් වන්නට සමස්ත ලංකා පාසල් සාහිත කලා සංගමය කටයුතු කරයි.
සංවේදී හදවත් රැසක් වන සාහිත්‍ය ක්ෂේත්‍රයේ නියැලෙන සිසු පවුරකින් යුත් සමස්ත ලංකා පාසල් සාහිත කලා සංගමය, ලාංකේය මානුෂීයත්වය උදෙසා කැප වෙමින් පසුගිය වසරාවසන දී ඇති වූ දිට්වා සුළි කුණාටුවෙන් සිදු වූ අලාභ හානිවලින් යථාවත් වනු පිණිස කළ මෙහෙවර අපරිමිත ය.

‹ ›